Spánarprinsessa eignast sína aðra dóttur

Letizia Spánarprinsessa, eiginkona Felipa de Bourbon Spánarprins, sem er arftaki spænsku krúnunnar, fæddi í dag stúlkubarn. Þetta er annað barn þeirra hjóna. Frá þessu greindu talsmenn spænsku konungsfjölskyldunnar í dag.

Barnið kom í heiminn um 15:30 að íslenskum tíma í Madrid.

Stúlkan verður þriðja í röðinni sem arftaki spænsku krúnunnar, þ.e. á eftir föður sínum og systur.

Letizia, sem 34 ára, og Felipe, sem er fimm árum eldri, gengu í hjónaband árið 2004.

Fjölmargir ljósmyndarar og blaðamenn voru búnir að koma sér fyrir við sjúkrahúsið þegar prinsessan var þangað komin. Barnið var aðeins á undan áætlun en það átti að koma í byrjun maí.

• 1 blogg um fréttina

Bloggað um fréttina

• Fararstjórinn: Spænskar prinsessur nútímans