Angelina vinnur bara dagvinnu

Kvikmyndaleikkonan Angelina Jolie mun einungis vinna við upptökur nýrrar kvikmyndar sinnar Wanted á dagvinnutíma þar sem hún vill halda stöðugleika í fjölskyldulífi sínu.

„Angelina fór fram á það við okkur að fá að vinna einungis að kvikmyndinni á dagvinnutíma. Hún lagði áherslu á það hversu mikilvægt væri fyrir hana að vera með Brad og börnunum á kvöldin og að hún vildi ekki rugla dagskipulagi þeirra,” segir einn af aðstandendum myndarinnar í viðtali við bandaríska tímaritið Us Weekly. „Það var að sjálfsögðu fallist á kröfur hennar þannig að það er einungis gert ráð fyrir henni í kvikmyndatökur á daginn.”

Jolie og sambýlismaður hennar Brad Pitt eiga fjögur börn: Maddox, Zahara, Shiloh Nouvel og Pax Thien.

• 2 blogg um fréttina

Bloggað um fréttina

• Sigurður Viktor Úlfarsson: Gott fordæmi!
• Þorsteinn Gunnarsson: Styttri vinnuviku!