Geta horft aftur og aftur á Stjörnustríðsmyndirnar

Stjörnustríðs myndirnar gömlu og dansmyndin Dirty Dancing eru þær myndir sem fólk elskar að horfa á aftur og aftur samkvæmt niðurstöðu nýrrar könnunar sem Sky Movies stóð að. Star Wars-trílógían varð efst í vali hjá körlum og í öðru sæti hjá konum.

Hjá körlum voru ævintýra- og spennumyndir í 10 efstu sætunum en þar má finna myndir á borð við Tortímandann, Aliens og Blade Runner.

Hjá konum voru, auk Dirty Dancing og Stjörnustríðs, Grease, The Sound of Music og Pretty Woman í fimm efstu sætunum.

Stjörnustríð, Tortímandinn, Ókindin (Jaws) og Hringadróttinssaga voru á meðal 10 efstu mynda hjá báðum kynjum. Um helmingur svarenda sögðust hafa séð Stjörnustríðsmyndirnar yfir 20 sinnum.

Þá sögðust karlar hafa oftsinnis hafa horft á Guðföðurinn, Alien, Die Hard og Terminator 2 á meðan konur sögðust horfa aftur og aftur á It's A Wonderful Life og The Matrix að því er fram kemur í könnuninni, segir á fréttavef BBC.

Fimm efstu myndirnar hjá körlum eru:

1. Stjörnustríðs myndirnar þrjár
2. Aliens
3. The Terminator
4. Blade Runner
5. The Godfather

1. Dirty Dancing
2. Stjörnustríðs myndirnar þrjár
3. Grease
4. The Sound of Music
5. Pretty Woman

• 3 blogg um fréttina

Bloggað um fréttina

• Rúnar Már Bragason: Hvað um sjónvarpsefni
• Sóldís Fjóla Karlsdóttir: Munur á kynjum...
• Hrannar Baldursson: Allt toppmyndir