Hasselhoff sviptur umgengnisrétti

David Hasselhoff var í gær sviptur rétti til að umgangast dætur sínar tvæir, í kjölfar myndbands sem önnur tók af honum ofurölvi á heimili hans í Las Vegas og birti á netinu.

„Myndbandið einfaldlega breytir málinu,“ sagði dómarinn sem kvað upp úrskurðinn. Hann ákvað ennfremur að síðar í mánuðinum fari fram yfirheyrslur til að skera úr um hvort myndbandið sé ósvikið og hver haf borið ábyrgð á birtingu þess.

Þangað til stendur úrskurður dómarans um að dætur Hasselhoffs megi ekki dvelja hjá honum. Þær eru 16 og 14 ára.

Hasselhoff var ekki viðstaddur þegar úrskurðurinn var kveðinn upp í gær, en Pamela Bach, fyrrverandi eiginkona hans og móðir dætranna, Taylor Ann og Hayley Amber, var viðstödd. Það var Taylor Ann sem tók myndbandið af föður sínum.

Hasselhoff og Bach skildu í fyrra eftir 16 ára hjónaband. Þau hafa sameiginlegt forræði yfir dætrunum.

• 1 blogg um fréttina

Bloggað um fréttina

• Jenný Anna Baldursdóttir: ÆI ÞESSIR VIRKU ALKAR...