Heimili Annie Lennox lagt í rúst

Skemmdir voru unnar á heimili söngkonunnar Annie Lennox í samkvæmi sem 16 ára dóttir hennar, Lola hélt fyrir nána vini sína. Samkvæmið fór úr böndunum eftir að upplýsingar um það birtust á MySpace vefsíðunni.

ITN fréttastofan skýrði frá því að útidyrahurðin hafi verið brotin upp eftir að henni var læst en munu boðflennur hafa tekið yfir samkvæmið og lagt heimilið í rúst með veggjakroti og skemmdarverkum á húsgögnum og húsmunum.

Lögreglan var kölluð til eftir að nágrannar létu vita af ólátum.

Að sögn ITN munu foreldrar Lólu hafa bannað frekara skemmtanahald og á hún ekki heimangengt um óákveðinn tíma.

Lennox heimilið er metið á um 260 milljónir króna.

• 2 blogg um fréttina

Bloggað um fréttina

• Þorsteinn Gunnarsson: Partý á Siglufirði
• Sigurpáll Björnsson: Áhrifamáttur netsins í höndum óvita