Volta selst mjög vel

Volta, nýjasta plata Bjarkar Guðmundsdóttur sem kom út á mánudaginn, hefur selst mjög vel í Bretlandi. Samkvæmt áreiðanlegum heimildum Morgunblaðsins er hún á meðal fimm mest seldu platna þar í landi í þessari viku, en endanlegur sölulisti verður birtur um helgina.

Þetta er næstbesti árangur Bjarkar á breska sölulistanum, og um leið næstbesti árangur íslensks tónlistarmanns á honum, en platan Post náði öðru sætinu þegar hún kom í júní árið 1995.