Samskip styrkja Lay Low

Samskip ætla að styðja við bakið á tónlistarkonunni Lovísu Elísabetu Sigrúnardóttur, öðru nafni Lay Low, næstu tvö árin en hún hefur notið vaxandi vinsælda bæði hér heima og erlendis.

Tilkynnt var um þetta á starfsmannaskemmtun Samskipa um helgina en Lay Low kom þar fram ásamt hljómsveit. Sagði Ásbjörn Gíslason, forstjóri Samskipa, þar frá því að félagið yrði bakhjarl Lay Low næstu tvö árin og myndi aðstoða hana með ráðum og dáð við að koma sér á framfæri, bæði heima og erlendis.

Lay Low verður á ferð og flugi næstu mánuði. Fyrsta tónleikaferð hennar til Bandaríkjanna verður dagana 27. maí til 9. júní og kemur hún fram bæði í Los Angeles og New York. Í þessari viku kemur hún fram á tónlistarhátíðinni The Great Escape í Brighton á Englandi. Í september spilar hún á Popkomm hátíðinni í Berlín, aftur í New York í október og í nóvember er fyrirhuguð vikulöng tónleikferð um Bretland.

• 1 blogg um fréttina

Bloggað um fréttina

• Ómar Ingi: Lay Low fær stuðning og það vel verðskuldaðan