Barði verðlaunar með Íslandsferð

Flugfar til Íslands er í verðlaun fyrir þann Bang Gang aðdáanda sem gerir besta „remixið" af laginu "It´s Alright" sem kom út á Bang Gang plötunni Something Wrong (From Nowhere). Það er bandaríska vefsíðan CMJ.com sem greinir frá þessu.

Barði Jóhannsson sjálfur velur sigurvegarann, sem mun fá tvo flugmiða til Íslands auk tveggja nátta hóteldvalar í Reykjavík í verðlaun. Frestur til að skila inn „remixi" rann út í gær og hver hinn heppni Íslandsfari er verður tilkynntur á mánudaginn.