Skrekkur tekur flugið á ný

Græni risinn Skrekkur og vinir hans tóku flugið á ný um helgina en þriðja teiknimyndin um Skrekk aflaði 122 milljóna dala tekna í norður-amerískum kvikmyndahúsum, sem er teiknimyndamet. Raunar er þetta þriðju bestu móttökur, sem kvikmynd hefur fengið á frumsýningarhelgi á eftir þriðju myndinni um Köngulóarmanninn og annarri myndinni um sjóræningjana á Karíbahafi.

Eins og í hinum myndunum talar Mike Myers fyrir Skrekk, Cameron Diaz talar fyrir Fíónu prinsessu, Eddie Murphy er asninn og Antonio Banderas stígvélaði kötturinn. Justin Timberlake bætist við í leikarahópinn en hann leikur Artúr konung, ungan að árum.

Svo gæti farið að Skrekkur dvelji ekki langan tíma í 1. sætinu því í vikunni verður frumsýnd þriðja sjóræningjamyndin þar sem Johnny Depp leikur sjóræningjann Jack Sparrow.

Listi yfir vinsælustu myndirnar er eftirfarandi:

1. Shrek the Third
2. Spider-Man 3
3. 28 Weeks Later
4. Disturbia
5. Georgia Rule
6. Fracture
7. Delta Farce
8. The Invisible
9. Hot Fuzz
10. Waitress.

• 2 blogg um fréttina

Bloggað um fréttina

• Sigfús Sigurþórsson.: Prinsessunni minni þykir þetta fallegasta skepnan í skóginum.
• Gísli Foster Hjartarson: ...sama snilldin?