Íslensku sveitirnar vöktu athygli

Tónlistarhátíðin Great Escape sem haldin var um helgina í hafnarbænum Brighton á Suður-Englandi, var eins og fram hefur komið, vel sótt af íslenskum hljómsveitum.

Eins og búast mátti við vakti okkar fólk töluverða athygli á hátíðinni og að sögn Önnu Hildar Hildibrandsdóttur framkvæmdastjóra ÚTÓN, var Lay Low boðið í framhaldinu að leika á kanadískri bransahátíð og svo á SXSW sem fram fer á næsta ári.

Tónleikar Jakobínurínu voru einnig vel sóttir sem og tónleikar Amiinu en stúlknasveitin lék á hótelbar í bænum.