Lögreglan stöðvaði Viktoríu Beckham í Los Angeles

Lögreglumenn á mótorhjólum stöðvuðu Viktoríu Beckham í Los Angeles á þriðjudaginn fyrir að taka ólöglega hægri beygju á svarta Cadillac Escalade bílnum sínum fyrir utan verslunarmiðstöð í Beverly Hills. Ekki var hún þó sektuð heldur vinsamlegast beðin að sækja um kalifornískt ökuskírteini.

Viktoría sýndi lögreglumönnunum breska ökuskírteinið sitt og skráningarskírteini bílsins. Hún hélt síðan rakleitt í bifreiðaeftirlitið þar sem hún skráði bílinn og lagði inn umsókn um bandarískt ökuskírteini.

Allt fór þetta fram undir vökulu auga myndatökuliðs sem vinnur að gerð raunveruleikaþáttar fyrir NBC um búferlaflutninga Beckham-fjölskyldunnar vestur um haf.

• 1 blogg um fréttina

Bloggað um fréttina

• Hafsteinn Viðar Ásgeirsson: Kannski...