Sjóræningjar setja aðsóknarmet

Þriðja kvikmyndin um sjóræningja Karíbahafsins, At Worlds End, halaði inn 17 milljónir Bandaríkjadala í bandarískum kvikmyndahúsum á frumsýningardaginn, sem er met. Þá setti myndin einnig met í fjölda sýningarsala, en hún var frumsýnd í 4.362 sölum. Chuck Viane, yfirmaður dreifingar hjá Disney, segist ánægður með viðtökurnar og að áhuginn sé greinilega gífurlegur þrátt fyrir að myndin hafi fengið slæma gagnrýni og þyki of löng.

Kvikmyndin, sem státar af Johnny Depp, Orlando Bloom, Keiru Knightly og gítarleikaranum Keith Richards í aðalhlutverkum, er tæplega þriggja tíma löng og hefur fengið heldur slæma dóma gagnrýnenda.

• 1 blogg um fréttina

Bloggað um fréttina

• Hip 2b^2: Kuldahrollur þegar ég les þetta