Kennari á áttræðisaldri kleif Everest

Sjötíu og eins árs japanskur kennari á eftirlaunum varð elsti maður í heimi til að klífa hæsta tind heims í síðustu viku. Katsusuke Yanagisawa kleif 8848 metra upp Everest-fjall síðast liðinn þriðjudag og naut útsýnisins í hálftíma áður en haldið var niður á ný.

„Það gladdi mig mjög að ná tindinum því þá var ekkert eftir annað en að halda niður,” sagði Yanagisawa í viðtali við fjölmiðla.

Yanagisawa sló met sem landi hans setti í maí í fyrra en Yanagisawa er ári eldri en fyrri methafi.

Fyrsta konan til að klífa Everest, Junko Tabei var einnig japönsk. Hún náði tindinum 1975.

• 2 blogg um fréttina

Bloggað um fréttina

• Anna Sigríður Guðmundsdóttir: Sá er sprækur, vonandi verð ég.....
• Sigríður Sigurðardóttir: Ó, MIG AUMA!