Viktoría vonar að Rómeó verði góður brimari

Viktoría Beckham segist vona að sonur sinn Rómeó nái mikilli leikni á brimbrettum. Rómeó er fjögurra ára, en fjölskyldan flyst til Los Angeles í sumar þegar Davíð Beckham gengur til liðs við knattspyrnuliðið Galaxy þar í borg. Viktoría segir að öll fjölskyldan hlakki til að flytja, ekki síst synina þrjá. „Ég sé Rómeó alveg fyrir mér sem brimara,“ sagði Viktoría í viðtali við tímaritið Glamour.

Viktoría og Davíð eiga tvo aðra syni, Broolyn, sem er átta ára, og Cruz, sem er tveggja ára. Hún segist ennfremur hlakka mjög til að verða nágranni vina sinna, Katie Holmes og Tom Cruise. Viktoría segist kunna einkar vel við Katie, og þær ræði mikið um tísku og börnin sín.

Um sögusagnir um erfiðleika í hjónabandi Katie og Tom sagði Viktoría: „Fólk vill einfaldlega ekki trúa því að þau séu gott fólk og að þau séu hamingjusöm saman. Rétt eins og fólk vill ekki trúa því um mig og Davíð.“

• 2 blogg um fréttina

Bloggað um fréttina

• Norðanmaður: Ohh, hvað ég er spenntur
• Snorri Sigurðsson: Booooooooooooooring !