Timbaland handtekinn vegna slagsmála

Upptökustjórinn Timbaland var handtekinn í Þýskalandi eftir slagsmál á hótelbar um síðustu helgi. Slúðurvefurinn TMZ.com segir frá því að maður að nafni Robert F hafi verið lagður inn á sjúkrahús eftir að slagsmál brutust út og bárust út á götu.

Maðurinn mun hafa verið ósáttur við að unnusta hans spjallaði við Timbaland og kom til átaka eftir að maðurinn hrópaði ókvæðisorð að upptökustjóranum sem sneru að kynþætti hans.

Timbaland var handtekinn í kjölfarið en var látinn laus gegn tryggingu í gærmorgun.

Timbaland þykir hafa haft mikil áhrif á popptónlist og hefur unnið með fjölda listamanna, þ.á.m. Missy Elliot, Pussycat Dolls og Nelly Furtado. Hann er þó líklega þekktastur fyrir störf sín með söngvaranum Justin Timberlake.

• 2 blogg um fréttina

Bloggað um fréttina

• Ómar Ingi: Timbo kann að lemja frá sér
• Hulda B. Benediktsdóttir Waage: ...Og hver byrjaði!