Viktoría frumsýnir fyrstu gallabuxnalínuna sína

Viktoría Beckham frumsýndi fyrstu gallabuxnalínuna sína í New York í gær að viðstöddum óteljandi fréttamönnum, ljósmyndurum og myndatökumönnum. Undir merki Viktoríu, dVb, verða seldar gallabuxur, gallapils og stuttbuxur. Sjálf var Viktoría í hvítum gallabuxum á frumsýningunni í Saks-stórversluninni á Fifth Avenue í gær.

Haft var eftir öryggisverði að ljósmyndarar á vettvangi hafi verið fleiri en aðdáendur Viktoríu, en um 70 aðdáendur hennar biðu þolinmóðir í röð á hæðinni fyrir ofan eftir að hún kæmi þangað til að veita eiginhandaráritanir.

„Ég hef dýrkað hana í tíu ár, og allt í sambandi við hana er alveg æðislegt,“ sagði Melissa Zartz, 18 ára námsmær frá New Jersey, sem beið í rúmar sex klukkustundir eftir að hitta átrúnaðargoðið, og var óánægð með að ekki skyldu fleiri hafa mætt á staðinn.

• 3 blogg um fréttina

Bloggað um fréttina

• Heimir Lárusson Fjeldsted: Mannorðsmorð í Mannlífi.
• Gísli Foster Hjartarson: Hver er munurinn....
• Halldór Egill Guðnason: Nýja "Bíafralínan" frá Victoríu.