Málverk eftir Monet seldist á 2,2 milljarða króna

Málverkið „Waterloo-brúin í skýjuðu veðri“ eftir Claude Monet seldist fyrir sem svarar um 2,2 milljarða króna á uppboði hjá Christie's í London í dag, og er þetta næst-hæsta verð sem greitt hefur verið fyrir verk eftir Monet á uppboði. Boðið barst í gegnum síma og var nafn kaupandans ekki gefið upp.

Myndin er úr myndaröð af brúnni og útsýni yfir Thamesána sem Monet málaði í herbergi sínu á Savoy-hótelinu í London um aldamótin 1900. Verðið sem fékkst fyrir verkið er ríflega tvöfalt hærra en það sem vænst hafði verið fyrir það.

Hæsta verð sem greitt hefur verið fyrir Monet-málverk er um 2,4 milljarðar, á uppboði hjá Sotheby's 1998.

• 2 blogg um fréttina

Bloggað um fréttina

• Þorsteinn Gunnarsson: Heysátur sem flætt hefur í kringum
• Þorsteinn Sverrisson: Dularfullt símtal (sagan á bak við fréttina)