Doherty ætlar að kvænast Moss í sumar

Söngvarinn Pete Doherty stefnir að því að kvænast fyrirsætunni Kate Moss í sumar að því tilskyldu að honum takist að halda sig frá eiturlyfjum. Þetta kemur fram í úrdrætti úr dagbók Doherty frá því hann var í meðferð fyrr á árinu sem birt var í breska dagblaðinu Times í dag.

Í dagbókinni sem nefnist „The Books of Albion: The Collected Writings of Peter Doherty" fjallar Doherty um stormasamt samband hans og Moss. Þar kemur meðal annars fram að þau muni ganga í hjónaband í sumar og hann muni verða tíu sinnum hamingjusamari heldur en nokkur eiturlyfjaneytandi.

Í úrdrættinum sem Times birti lýsir söngvarinn ást sinni á fyrirsætunni. „Ég elska stúlkuna svo mikið og það er þess vegna sem ég er á þessari meðferðarstofnun, er það ekki?".

• 2 blogg um fréttina

Bloggað um fréttina

• Gísli Foster Hjartarson: Miklu frekar....
• Anna Sigríður Guðmundsdóttir: Ástin á sér engin landamæri...