Tom Cruise vill kaupa Galaxy

Tom Cruise er sagður ætla að gera 40 milljón punda yfirtökutilboð í fótboltaklúbb vinar síns David Beckham. Hollywood stjarnan er mikill áhugamaður um fótbolta og vill styðja lið vinar síns, Los Angeles Galaxy.

Beckham, sem skrifaði undir 128 milljón punda samning til fimm ára hjá Galaxy í janúar, byrjar að spila með liðinu í næsta mánuði. Nýi vinur hans, Tom Cruise, horfði á leik hans á heimavelli Real Madrid á sunnudag og varð vitni að því þegar liðið vann.

Með í för voru þær Katie Holmes og Victoria Beckham ásamt sonum Beckhamhjónanna Brooklyn, Romeo og Cruz. Eftir leikinn skemmtu pörin sér saman fram á rauðan morgunn á veitingastað og dansstað í Madrid.

• 3 blogg um fréttina

Bloggað um fréttina

• Gísli Foster Hjartarson: Það er margt á sig lagt til.......
• Þorsteinn Gunnarsson: Beckham í Vísindakirkjuna
• Ómar Ingi: Tommi kallinn