Austurblokkin endurvakin í austur-þýskri blokk

Þrátt fyrir að Berlínarmúrinn hafi fyrir löngu verið rifinn lifir Austur Þýskaland ágætu lífi á Ostel hótelinu í austurhluta Berlínar. Hótelið er innréttað í anda þeirra ára þegar kommúnisminn réði ríkjum í A-Þýskalandi, skraut er af skornum skammti fyrir utan veggfóður sem valdið getur svima og myndir af föllnum hetjum á borð við Erich Honnecker.

Hótelið hefur verið innréttað í byggingu sem reist var á tímum kalda stríðsins og tilheyrir svokölluðum Plattenbauwohnung-húsum, sem voru fjöldaframleiddar blokkir og þykja í dag táknrænar fyrir lífið á tímum kalda stríðsins.

Í móttöku hótelsins eru fjórar klukkur sem sýna hvað tímanum líður í Moskvu, Berlín, Kína og Havana. Gestir geta svo valið um ódýrari herbergi sem kennd eru við ,,frumkvöðlabúðir”, þeir sem efnameiri eru geta hins vegar látið fara vel um sig í ,,Stasi-svítunni”.

• 1 blogg um fréttina

Bloggað um fréttina

• Snorri Bergz: Er Steingrímur búinn að gista þarna?