Victoria fékk bætur fyrir meiðyrði

Victoria Beckham hefur fallist á dómssátt í meiðyrðamáli, sem hún höfðaði á hendur tímaritsins Star Magazine sem fullyrti í forsíðufrétt, að aðstandaendur bandarísks sjónvarpsþáttar teldi hana verið kröfuharða, dónalega og smámunasama.

Blaðið sagði einnig, að starfsfólk NBC sjónvarpsstöðvarinnar, hefði lýst Victoriu sem sjálfsánægðri og óviðfeldinni.

Gerrard Tyrrell, lögmaður Victoriu, sagði fyrir dómi að tökur á umræddum sjónvarpsþætti hefðu ekki verið hafnar þegar tímaritið birti fréttina í apríl. Þess vegna hefði enginn fótur verið fyrir þessari frétt.

Northern & Shell PLC, sem gefur Star út, baðst afsökunar og bauðst til að greiða málskostnað og umtalsverðar bætur. Ekki var gefið upp hve bæturnar voru háar.

Sýningar á sjónvarpsþættinum Victoria Beckham: Coming to America hefjast á NBC 16. júlí.

• 1 blogg um fréttina

Bloggað um fréttina

• Þorsteinn Gunnarsson: Ræfilstuskan...