Bob Dylan með besta reiðiástarsönginn

Bandaríska tónlistartímaritið Rolling Stone hefur birt lista yfir 20 bestu reiðiástarsöngvana og það kemur sjálfsagt fáum á óvart, að Bob Dylan trónir þar á toppnum með lag sitt: Don’t Think Twice, It’s All Right. Alanis Morissette veitir meistaranum þó harða keppni með lagið You oughta know.

Listinn er niðurstaða netkosningar meðal lesenda tímaritsins en Rolling Stone segir, að reiðilegir ástarsöngvar geti verið ágæt leið til að lækna ástarsorg.

Í næstu sætum voru The One I Love með R.E.M., Alison með Elvis Costello, Song for the Dumped með Ben Folds Five, Famous Blue Raincoat með Leonard Cohen, One með U2, If I Didn’t Love You með Squeeze, I Hate Myself for Loving You með Joan Jett and the Blackhearts og Dead Flowers með Rolling Stones.

Rolling Stone

• 2 blogg um fréttina

Bloggað um fréttina

• Guðfinnur Sveinsson: Að sjálfsögðu!
• Þarfagreinir: Kemur ekki á óvart