Nunatak verður fulltrúi Suðurskautslandsins á Live Earth

Nunatak, húshljómsveit breskrar rannsóknarstöðvar á Suðurskautslandinu verður fulltrúi þeirrar álfu á Live Earth tónleikunum, sem haldnir verða á átta stöðum í heiminum á morgun til að vekja athygli á baráttu gegn hlýnun andrúmsloftsins. Bein sjónvarpsútsending frá tónleikunum hefst í nótt og lýkur rúmlega sólarhring síðar.

Al Gore, fyrrum varaforseti Bandaríkjanna og annar formanna Live Earth, bauð bresku suðurskautsstofnuninni, BAS, að taka þátt í tónleikunum. Mun Nunatak, sem er fimm manna hljómsveit, leika á ísnum utan við rannsóknarstöðina. Raunar er þegar búið að taka atriðið upp, því ekki er hægt að sýna beint frá Suðurskautslandinu.

Nunatak er grænlenskt orð og merkir tind, sem ekki er þakinn ís.

Nunatak á æfingu á Suðurskautslandinu. Reuters

• 1 blogg um fréttina

Bloggað um fréttina

• Guðmundur Ásgeirsson: Jökulsker heitir það heillin