Vilhjálmur sagður hafa beðið Kate um annað tækifæri

Vilhjálmur Bretaprins er nú sagður hafa talið fyrrum kærustu sína Kate Middleton á að gefa sambandi þeirra annað tækifæri en greint var frá því í apríl að þau hefðu slitið sex ára sambandi sínu. Þetta kemur fram á fréttavef Sky.

Það vakti mikla athygli í Bretlandi er Kate sótti minningartónleika um Díönu prinsessu, móður Vilhjálms, um síðustu helgi og samkvæmt heimildum breskra fjölmiðla hefur Vilhjálmi nú tekist að sannfæra Kate um að það sé óþægindanna virði að eiga í sambandi við sig. „Það var ekki fyrr en þau stigu skref aftur á bak sem þau fengu svigrúm til að kanna raunverulegar tilfinningar sínar hvors til annars," segir ónefndur heimildarmaður blaðsins The Sun.

• 3 blogg um fréttina

Bloggað um fréttina

• Þorsteinn Gunnarsson: Er prinsinn af íslenskum ættum?
• Kristín M. Jóhannsdóttir: Prinsessusystur
• Haukur Nikulásson: Tími kominn til að hætta afkáralegum nafnaþýðingum kóngafólks