Hrósar frammistöðu Doherty í rúminu
Setja bókamerki
Pete Doherty er frábær í bólinu segir suður-afrísk fyrirsæta, Lindi, sem eyddi nótt með söngvaranum þann 29. júní sl. Hún segist hins vegar vera með samviskubit yfir því að hafa sofið hjá honum þar sem hann er unnusti fyrirsætunnar, Kate Moss.
Vinur Lindi segir í viðtali við breska dagblaðið Sunday Mirror í gær að Lindi hafi fundist hún svíkja Moss en þetta hafi verið eitthvað sem hún gat ekki sleppt. Á Doherty að hafa sagt við Lindi að hann væri ólofaður. Hann hafi komið henni til að hlægja og það hafi verið eitthvað sérstakt við hann. Á Lindi að hafa sagt vinum sínum að nóttin hafi verið mjög ástríðufull.
Doherty og Lindi hittust í Crystal næturklúbbnum í Lundúnum en yfirgáfu hann saman og eyddu nóttinni á heimili vinar Doherty. Lindi segir að Doherty hafi tælt hana í rúmið með töfrum sínum en hún hafi strax morguninn eftir séð eftir öllu saman þar sem Moss sé hennar fyrirmynd. Lindi hefur einnig sagt vinum að Doherty hafi hringt í hana eftir nóttina sem þau áttu saman og grátbeðið hana um að hitta sig aftur.
Lindi hefur áður verið orðuð fræga menn, má þar nefna söngvarann Jared Leto og söngvara Guns N' Roses, Axl Rose.
Sjötti ferðamaðurinn er látinn
Hraun kemur úr þremur gígum: Virknin stöðug
Þarf að koma til móts við ólíkar þarfir lækna
Pútín reynir allt til að forðast aðra herkvaðningu
Viðræður ekkert þokast frá því á þriðjudag
Ekki vandamál að vera karlmaður
Yfir 300 stæði fóru undir hraun