Tökur hafnar á nýjustu mynd Woody Allen í Barcelona

Tökur á nýjustu kvikmynd Woody Allen hófust á ströndinni við Barcelona í morgun og vöktu þær mikla athygli gesta á ströndinni.

Meðal leikara í myndinni, sem enn hefur ekki hlotið nafn, eru Scarlett Johansson, Rebecca Hall, Javier Bardem og Penelope Cruz.

Stefnt er að því að tökur myndarinnar standi yfir í sjö vikur. Verður myndin meðal annars tekin upp í Barcelona, Asturias-héraði á Norður-Spáni og heimaborg Allens, New York.

Allen hefur dvalið langdvölum í Barcelona að undanförnu í leit að góðum tökustöðum. Auk þess sem hann hefur spilað á tvennum tónleikum með jazz hljómsveit sinni en Allen leikur á klarínett í frístundum sínum.

Á fréttamannafundi í síðustu viku sagði Allen að myndin væri ástarbréf til Barcelona.

• 2 blogg um fréttina

Bloggað um fréttina

• Ólaf de Fleur Jóhannesson: Woody
• Ómar Ingi: 3 í röð