Bítill leysir gróðurhúsavandann

Sir Paul McCartney vill að allir verði grænmetisætur svo hlýnun jarðar stöðvist. Bítillinn telur að heimurinn væri betri staður ef fólk léti það vera að borða kjöt, því koma mætti í veg fyrir eyðingu regnskóganna með slíkum ráðstöfunum.

"Livestock dýraeldisstöðin er ein stærsta eyðingarvél jarðar – þegar þú sérð tré Amasón-regnskógarins höggvin niður vegna hamborgaragerðar verður sú staðreynd býsna augljós," segir Páll, og bætir síðar við: "Þetta snýst allt um hugarfar, allir halda að einhverjir aðrir muni sjá um að redda málum."

Linda McCartney sálug, fyrrum eiginkona Bítilsins, kynnti honum líf grænmetisætunnar á áttunda áratugnum. Hún gaf út ýmsar matreiðslubækur með grænmetisuppskriftum og var ötull baráttumaður fyrir réttindum dýra. Í kjölfar andláts hennar árið 1998 hvatti Paul aðdáendur til þess að gerast grænmetisætur, og heiðra þannig minningu Lindu.