Ástarþríhyrningur Barrymore

Leikkonan Drew Barrymore er föst í ástarþríhyrningi segir á vefsíðu People.

Barrymore og leikstjórinn Spike Jonze, sem voru fyrst tengd saman fyrir um fjórum mánuðum, fóru saman á þriðjudaginn á tónleika með Klaxons og sáust meðal annars knúsast og kyssast í sérstökum VIP-bás.

Það var samt aðeins í síðustu viku sem Barrymore sást í New York með Scrubs-leikaranum Zach Braff. Barrymore og Braff sáust fyrst saman í febrúar þegar þau hittust í Saturday Night Live eftirpartíi. Í júní sást svo aftur til þeirra þar sem þau dönsuðu saman á skemmtistað og sáust jafnvel kyssast. Seinna sást til þeirra ganga saman í gegnum SoHo-hverfið í New York hönd í hönd.

Ekki hefur fengist staðfest hvorn Barrymore er að hitta eða hvort hún er með báða í takinu.