Simpson vill í form

Leikkonan Jessica Simpson hefur verið send í þjálfunarbúðir.

Simpson mun gangast undir miklar andlegar og líkamlegar æfingar sem eru liður í undirbúningi hennar fyrir næsta kvikmyndahlutverk þar sem hún mun leika atvinnulausa leikkonu sem gengur í herinn.

Hún fór í búðirnar á miðvikudaginn og verður þar í nokkra daga í herþjálfun.

Í myndinni verður persóna Simpson miður sín þegar hún kemur að kærastanum í rúminu með hárgreiðslukonunni hennar.

Simpson sagði nýlega að hún ætlað að leggja mikið á sig fyrir þetta hlutverk.

"Ég vil komast í mjög gott form fyrir þessa mynd. Ég stefni að því að geta lyft lóðum í mjög hælaháum skóm," sagði hún.

Sagt er að Simpson hafi þegar grennst um tvær fatastærðir á átta vikum. Enda hittir hún einkaþjálfara sinn fimm sinnum í viku og er á ströngu megrunarfæði.