Lohan útskrifuð úr meðferðinni

Bandaríska kvikmyndaleikkonan Lindsay Lohan var útskrifuð af Promises meðferðarstofnuninni í Malibu í gær eftir sex vikna dvöl þar. Segir fjölmiðlafulltrúi leikkonunnar að hún muni sjálfviljug ganga með ökklaband sem nemi áfengi og fíkniefni í blóði hennar.

“Hún mun m.a. ganga með bandið til að koma í veg fyrir vangaveltur um neyslu hennar velji hún að fara á dans eða matsölustaði þar sem borið er fram áfengi”, segir fjölmiðlafulltrúinn Leslie Sloane Zelnik, en þegar hafa borist fréttir af því að sést hafi til stúlkunnar úti á næturlífinu.

Þá segir hún Lohan líða vel. Hún hafi lagt hart að sér í meðferðinni og njóti stuðnings sinna nánustu.

Leikkonan Lindsay Lohan Reuters

• 2 blogg um fréttina

Bloggað um fréttina

• Vignir: Inn og útum gluggann....
• Ómar Ingi: Sko