Usher aflýsir brúðkaupi

Brúðkaupi söngv­ar­ans Us­her var af­lýst á síðustu stundu á laug­ar­dag. Söngv­ar­inn átti að kvæn­ast óléttri kær­ustu sinni Tameku Foster á býli Reid Hampt­ons, plötu­út­gef­anda.

Umboðsmaður Us­her gaf enga skýr­ingu á því að brúðkaupið var blásið af og ekki er vitað hvort parið er enn trú­lofað.

100 manns hafði verið boðið en móðir brúðgum­ans og guðfaðir hans voru ekki þeirra á meðal þar sem þau hafa verið á móti ráðahagn­um. Í apríl á þessu ári var sagt frá því að Tameka væri ólétt eft­ir ann­an mann, en parið hef­ur neitað því. Tameka á þrjú börn fyr­ir og er sögð bera barn fyrr­ver­andi manns síns und­ir belti.

Marg­ir aðdá­end­ur Us­her hafa lýst óánægju með Tameku eft­ir að sögu­sagn­ir fóru á kreik þess efn­is að hún hafi staðið fyr­ir því að Us­her rak móður sína úr starfi umboðsmanns. Þá hef­ur söngv­ar­inn birt opið bréf þar sem hann seg­ist ham­ingju­sam­ur og að Tameka sé ekki að nota hann.

• Blogga um frétt