Britney vildi ekki sitja næst Viktoríu - eða öfugt

Fregnir herma að Britney Spears hafi ekki tekið í mál að sitja við næsta borð við Beckhamhjónin á veitingastað í Hollywood í síðustu viku, og hafi strunsað út. Samkvæmt öðrum heimildum var þessu öfugt farið - það var Viktoría sem sagðist ekki koma nálægt Britney.

Blaðið Daily News í New York hefur eftir heimildamanni að Britney hafi komið á veitingastaðinn í Chateau Marmont-hótelinu í Hollywood á þriðjudaginn í síðustu viku og verið boðið borð við hliðina á Beckhamhjónunum, sem sátu að snæðingi á staðnum.

En Britney hafi ekki viljað sitja við hliðina á Viktoríu og hafi því strunsað með föruneyti sínu yfir á veitingahúsið Il Sole í staðinn.

En heimildamaður sem var á Chateau Marmont umrætt kvöldi sagði aftur á móti við tímaritið Closer að það hafi verið Viktoría sem brást ókvæða við þegar Britney fékk borð við hliðina á þeim hjónum.

Hafi Viktoría orðið bálreið og dregið Davíð á brott og sagt þjónustufólkinu að það væri fáránlegt að ætlast til að þau sætu við hliðina á „hrakinu“ Britney.

Þá er Viktoría sögð hafa bakað sér óvild starfsfólks staðarins með því að láta fjölmiðlafólk ætíð vita af því þegar von er á henni á staðinn, en starfsfólkið reynir eftir fremsta megni að halda papparössum fjarri.

„Chateau Marmont reynir að tryggja fræga fólkinu frið á staðnum, og þeim er mjög illa við Viktoríu þar. En þau kunna ágætlega við Davíð,“ sagði heimildamaður.

• 2 blogg um fréttina

Bloggað um fréttina

• Ómar Ingi: Hvað svo sem
• Snorri Bergz: Snobbdrottningin