Bobby Brown óttast Osama bin Laden

Bobby Brown heldur því staðfastlega fram að Osama Bin Laden hyggist myrða sig.

Söngvarinn sem að undanförnu hefur verið á tónleikaferðalagi um Ástralíu lifir í stöðugum ótta við hryðjuverkamanninn eftir að hann uppgötvaði sér til skelfingar að Osama er mikill aðdáandi fyrrverandi konu Browns, söngdívunnar Whitney Houston. Bobby herti á dögunum öryggisgæsluna í kringum sig. Óttast hann svíðingsaðgerðir samtaka bin Laden, al-Qaeda. Upprunalega var sá kvittur á kreiki að bin Laden vildi Bobby feigan vegna áforma sinna um að gera Whitney að einni að konum sínum. Bobby og Whitney eru nú skilin að skiptum, en Bobby hefur þó enn varann á.

"Ég held að ekkert gerist á meðan allir eru að leita að bin Laden. En ef hann vill virkilega reyna að ná í skottið á mér út af svona heimskulegu máli verð ég leggja þetta í hendur æðri máttarvalda," segir skemmtikrafturinn.