Hundar Ving Rhames taldir hafa drepið mann
Ving Rhames
AP
Setja bókamerki
Hundar í eigu leikarans Ving Rhames eru taldir hafa ráðist á og drepið fertugan mann sem starfaði hjá leikaranum. Maðurinn, sem hafði umsjón með landareign Rhames í Los Angeles, fannst látinn fyrir utan íbúðarhúsið með fjölda hundsbita á líkamanum og hefur lögregla tekið þrjá bolabíta í sína vörslu.
Leikarinn á fjölda hunda og er talið að umsjónarmaðurinn hafi meðal annars haft það starf að sjá um hundana. Niðurstöður krufningar hafa ekki borist en talið mögulegt að maðurinn hafi fengið hjartaáfall meðan á árásinni stóð.
Rhames er m.a. þekktur fyrir leik sinn við hlið Tom Cruise í kvikmyndunum Mission: Impossible, en hann vakti fyrst athygli fyrir hlutverk sitt í myndinni Pulp Fiction árið 1994.
Máttu ekki auglýsa „mesta úrvalið“ og „besta verðið“
Íslendingar vanir að klæða sig vel
„Átti von á fleiri útköllum“
Ríkisstjórnin ekki beint á leiðinni í jólafrí
Óveður heldur Holtavörðuheiði lokaðri
Neitaði sök um morð og hryðjuverk
„Svindlherferðir eru að færast í aukana“