Óvænt Íslandsferð Kim Wilde

Breska poppstjarnan Kim Wilde eyddi nóttinni óvænt á Íslandi. Til stendur að hún komi fram á tónlistarhátíð í Færeyjum í kvöld ásamt danska söngvaranum Bryan Rice. Þau lögðu af stað með flugvél frá Kaupmannahöfn í gær en flugvélin varð að lenda á Egilsstöðum vegna þess að ekki var hægt að lenda í Vogum í Færeyjum vegna þoku.

Reyna átti nú í morgun að fljúga til Færeyja á ný. Að sögn færeyska blaðsins Sosialurin eru tónleikahaldarar rólegir því Rice á ekki að koma fram fyrr en síðdegis og Wilde klukkan 22 í kvöld.

Kim Wilde öðlaðist frægð á níunda áratug síðustu aldar og kom þá mörgum lögum á vinsældalista víða um heim.

• 1 blogg um fréttina

Bloggað um fréttina

• Jenný Anna Baldursdóttir: KIM WILDE EKKI DOTTIN UPPFYRIR!