Ný mynd um Jason Bourne fékk mesta aðsókn vestanhafs

Þriðja kvikmyndin um Jason Bourne, söguhetju rithöfundarins Roberts Ludlums, fékk langmesta aðsókn í norður-amerískum kvikmyndahúsum um helgina og námu tekjur af sýningu myndarinnar 70,2 milljónum dala. Myndin, sem nefnist The Bourne Ultimatum, hefur fengið einróma lof gagnrýnenda, sem er óvenjulegt þegar spennumynd á í hlut.

Matt Damon leikur Bourne, eins og í hinum myndunum tveimur, og Paul Greengrass leikstýrir einnig myndinni. Kvikmyndin um Simpsonfjölskylduna, sem var í 1. sæti um síðustu helgi, fór niður í 2. sæti en sú mynd hefur einnig fengið góða dóma. Fjölskyldumyndin Underdog frá Disney fór beint í 3. sætið.

Listinn yfir mest sóttu myndirnar er eftirfarandi:

1. The Bourne Ultimatum
2. The Simpsons Movie
3. Underdog
4. I Now Pronounce You Chuck & Larry,"
5. Hairspray
6. Harry Potter and the Order of the Phoenix
7. No Reservations
8. Transformers
9. Hot Rod
10. Bratz

• 2 blogg um fréttina

Bloggað um fréttina

• Ómar Ingi: Síðan 2002
• Baldvin Jónsson: Er farinn að hlakka til :)