Lindsay Lohan komin í meðferð í Utah

Lindsay Lohan skráði sig inn á meðferðarstofnun í Utah í gær. Hefur starfsfólk stofnunarinnar, Cirque Lodge, staðfest þetta. Lohan hefur verið ákærð fyrir ölvunarakstur, vörslu kókaíns, smygl á fíkniefnum inn á fangelsisstofnun og akstur án ökuréttinda. Hún er 21 árs.

Meðferðin á Cirque Lodge mun standa í mánuð, að minnsta kosti, en tímaritið Town and Country valdi staðinn eina bestu meðferðarstofnun Bandaríkjanna. Lágmarksgjald fyrir meðferð þar eru 30.000 dollarar. Sextán sjúklingar geta gist þar hverju sinni, og í öllum herbergjum eru m.a. nuddpottar.

Síðan Lohan var handtekin í Los Angeles 24. júlí hefur hún verið í felum á heimili Ginu Glickman, sem er vinur Lohan-fjölskyldunnar. Á föstudaginn flaug Lohan til New York til að verja helginni með fjölskyldu sinni áður en hún hélt til Utah.

• 2 blogg um fréttina

Bloggað um fréttina

• Hilmar Guðmundsson: Lindsay Lohan komin í meðferð í Utah
• Gúrúinn: Veðja 1000 kalli að hún hætti fyrir helgi