Moss kallar Doherty „svikarottu“

Kate Moss kallaði kærastann sinn fyrrverandi, Pete Doherty, svikarottu er hún las einkaviðtal bresks dagblaðs við hann í síðustu viku þar sem hann greindi opinskátt frá sambandi þeirra, kallaði hana „andstyggilega kerlingu“ og grátbað hana um að hefja sambandið á ný.

Fregnir herma að Kate hafi brugðið svo mikið við að lesa viðtalið að hún hafi æpt upp yfir sig og kallað Pete öllum illum nöfnum og sagt að hann væri „svikarotta.“ Heimildamaður bandaríska tímaritsins US Weekly sagði ennfremur: „Nú vill hún bara gleyma honum.“

Vinir hennar hafi ráðið henni að kaupa sér þögn Petes með rausnarlegu „framlagi.“

Í viðtalinu í síðustu viku sagði Pete meðal annars: „Ég vil bara segja henni það, að ég elska hana. Kate er bæði afbrýðisöm og tortryggin. Hún er andstyggileg kerling og hún sparkaði í hausinn á mér. En ég elska hana vegna þess sem hún gerir og vegna þess að hún er margfaldur milljónamæringur!“

• 1 blogg um fréttina

Bloggað um fréttina

• Sigurður Elvar Þórólfsson: Rauðhærður Íri