Tók pabba í nefið

Gítarleikari Rolling Stones, Keith Richards, tók ösku föður síns í nefið. Nei, þetta er ekki gömul frétt heldur nýjar upplýsingar úr viðtali NME við Richards. Hann segist ekki hafa blandað jarðneskum leifum föðurins í kókaín, eins og fjölmiðlar héldu fram fyrr á árinu, heldur skipt öskunni niður í línur, líkt og hann væri að taka kókaín. „Smá af pabba" hafi óvart farið á borðstofuborðið og kunni Richards ekki við að nota fægiskóflu. Hann tók hana því í nefið. Einmitt það.