Britney bakkaði á bíl undir vökulu auga papparassa

Úbbs, hún gerði það aft­ur. Und­ir vök­ul­um aug­um mynda­véla papp­arass­anna bakkaði Brit­ney Spe­ars blæju­bíln­um sín­um á silf­ur­lit­an Mercedes Bens á bíla­stæði í Studio City, at­hugaði hvort henn­ar eig­in bíll hefði skemmst eitt­hvað og fór síðan að versla.

En mynd­irn­ar af þessu öllu sam­an komu fyr­ir augu eig­anda Bens­ins, sem áttaði sig þegar í stað á því hver hafði skemmt bíl­inn henn­ar. Ben­seig­and­inn var 59 ára göm­ul hjúkr­un­ar­kona, Kim Rob­ard-Rif­kin, og tjáði hún afþrey­inga­f­rétta­vef að eng­inn full­trúi Brit­n­eyj­ar hefði haft sam­band vegna ákeyrsl­unn­ar.

„Það er nú hálf leiðin­legt vegna þess að ég var virki­lega að vona að hún myndi haga sér eins og al­menni­leg mann­eskja,“ sagði Rob­ard-Rif­kin. „Það var eins og bíll­inn minn skipti hana engu máli, hana varðaði ekk­ert um þau óþæg­indi sem ég hefði orðið fyr­ir.“

Mynd­band sem sýn­ir Brit­n­eyju, með hvolp í kjölt­unni, reyna að leggja svarta blæju­bíln­um sín­um og rek­ast utan í næsta bíl, var birt á vefn­um, og Rob­ard-Rif­kin sagði að sér hefði verið nokkuð brugðið, en um leið nokkuð skemmt, er hún hafi áttað sig á því hver hefði keyrt á bíl­inn henn­ar. Hún sagðist hafa bú­ist við því að ein­hver full­trúi Brit­n­eyj­ar myndi hafa sam­band.

• 4 blogg um frétt­ina

Bloggað um frétt­ina

• Helgi Hrafn Hall­dórs­son: HAHA ..
• Bjarni Thor Krist­ins­son: Þetta er ekk­ert grín!
• Snorri Bergz: Dag­bók Brit­n­eyj­ar
• Gúrú­inn: Mynd­bandið hér