Dúettsöngur Jaggers og Lennons gefinn út

Dúett sem Mick Jagger og John Lennon sungu fyrir rúmum þrjátíu árum verður á væntanlegri safnplötu þess fyrrnefnda, „The Very Best of Mick Jagger.“ Lennon lék einnig á gítar í upptökunni, og Ringo Starr á trommur.

Dúettinn var tekinn upp í Los Angeles 1973 en var ekki gefinn út. Upptakan var aftur á móti seld á uppboði í London fyrir fjórum árum.

Jagger mun hafa verið búinn að gleyma upptökunni, en salan á upptökunni varð til þess að athygli beindist að henni á ný.

Á plötu Jaggers, sem væntanleg er í október, verða einnig dúettar hans með Bono og David Bowie.

• 1 blogg um fréttina

Bloggað um fréttina

• Jenný Anna Baldursdóttir: DÚNDURFRÉTTIR..