Veröld/Fólk | Fræga fólkið - hægri dálkur | mbl | 15.8.2007 | 11:21

Hilton systur vilja 500 þúsund dali fyrir að mæta í teiti

Paris Hilton er dugleg að mæta á rauða dregilinn þegar kvikmyndir eru frumsýndar Reuters

Paris Hilton og systir hennar Nicky vilja fá greitt fyrir að láta sjá sig í teiti á gamlárskvöld. Fara þær fram á að fá 500 þúsund dali, tæpar 34 milljónir króna, fyrir viðvikið. Á síðasta ári fékk Paris Hilton 100 þúsund dali fyrir að láta sjá sig í veislunni.

Samkvæmt heimildum dagblaðsins New York Post eru þær systur að þreifa fyrir sér með að fá greitt fyrir að mæta í nokkur gamlárskvöldsteiti en meðal annars hefur næturklúbbur, sem greiddi Paris Hilton 100 þúsund dali í fyrra, áhuga á að fá þær systur til að mæta. Hins vegar segja heimildarmenn NYP að Paris sé svo örvæntingarfull í leit sinni að því að fá góða auglýsingu að hún sé jafnvel reiðubúin til þess að greiða skemmtistöðum fyrir að auglýsa sig sem gest á gamlárskvöld.

Talsmaður þeirra systra neitar þessum fregnum en lét það fylgja með að Paris hafi selt hús sitt í Hollywood á 4,25 milljónir dala, 287 milljónir króna, einungis tíu dögum eftir að það var sett í sölu. Húsið keypti hún fyrir þremur árum á 2,9 milljónir dala. Býr Paris nú í strandhúsi sem hún leigir í Malibu.