Fyrsti skóladagurinn í „englaskóla“ Mörtu Lovísu prinsessu

Fyrsti skóla­dag­ur­inn í hinum svo­kallaða „engla­skóla“ Mörtu Lovísu Nor­eg­sprins­essu var í dag.

Nem­end­ur þar von­ast til að Marta geti hjálpað sér að ná sam­bandi við engla, og hef­ur hver um sig reitt fram sem svar­ar um 120 þúsund ís­lensk­um krón­um í skóla­gjöld fyr­ir hverja önn.

Frá þessu grein­ir frétta­vef­ur Af­ten­posten.

Marta Lovísa lýsti því yfir fyr­ir ekki löngu síðan að hún væri skyggn. Hef­ur hún sætt miklu ámæli síðan og marg­ir orðið til að krefjast þess að hún af­sali sér prins­essutign­inni.

Skól­ann, sem heit­ir reynd­ar Ast­arte Educati­on, rek­ur prins­ess­an ásamt Elisa­beth Samnöy, og þegar dyrn­ar voru opnaðar í dag beið mik­ill her fjöl­miðlafólks fyr­ir utan. Marta sagði að það kæmi ekki til greina að úr yrði ein­hvers­kon­ar frétta­manna­fund­ur. Hún væri búin að segja allt sem hún vildi segja um málið.

Marta bað síðan fjöl­miðlafólkið vin­sam­leg­ast um að láta nem­end­ur skól­ans í friði.

Ast­arte Educati­on býður upp á þriggja ára nám í heil­un, handa­yf­ir­lagn­ingu og fleiru. Á vef skól­ans er ít­rekað, að námið sé ekki op­in­ber­lega viður­kennt.

Einn nem­end­anna, In­ger Middelt­hon frá Lillehammer, var ákaf­lega ánægð og hrif­in af Mörtu Lovísu, sem hún sagði hafa staðið af sér ósann­gjarna gagn­rýni. „Þetta verður mjög spenn­andi,“ sagði Middelt­hon um skól­ann. Hún sagði að marg­ir Norðmenn tryðu á aðrar vídd­ir.

• 4 blogg um frétt­ina

Bloggað um frétt­ina

• Sig­ur­björn Friðriks­son: Hvers­vegna fer hún ekki í her­skóla eins og aðrir krúnu­erf­ingj­ar?
• Árni Gunn­ar Ásgeirs­son: Tom Cruise engla­heil­un­ar­heims­ins
• Jó­hann­es Ragn­ars­son: Engl­ar frá Írak í heim­sókn hjá Nor­eg­sprins­essu?
• Bogi Jóns­son: Ég lít upp til fólks sem er sjálf­um sér sam­kvæmt …