Viktoría fær 350 milljóna króna úttektarheimild

Viktoríu Beckham hefur verið veitt sem svarar 350 milljóna króna úttektarheimild í tískuvöruverslun Neiman Marcus í Beverly Hills. Síðan Beckhamfjölskyldan flutti vestur um haf hefur Viktoría eytt þúsundum dollara í föt og "gert allt hvað hún getur til að bæta bandaríska efnahagslífið," eins og heimildamaður orðaði það.

Bókaforlagið HarperCollins tilkynnti í dag að í nóvember kæmi út í Bandaríkjunum bók Viktoríu, "That Extra Half an Inch; Hair, Heels and Everything in Between," sem kom út í Bretlandi fyrir nokkru. Forlagið segir að í bókinni veiti Viktoría ráð um allt mögulegt varðandi tísku; hvernig eigi að klæðast fyrir sérstök tilefni og "hvernig fara á að því að vera full sjálfstrausts og vel útlítandi í hvert einasta sinn sem maður fer út úr húsi."

• 2 blogg um fréttina

Bloggað um fréttina

• Sverrir Þorleifsson: ekki nema það já..
• Jóhannes Ragnarsson: Annálaður ritsnillingur og andans jöfur.