Frestar tónleikaferð til Bandaríkjanna

Breska poppsöngkonan Lily Allen hefur frestað tónleikaferð um Bandaríkin og hætt við að koma fram á MTV tónlistarhátíðinni þann 9. september í Las Vegas. Allen var svipt starfsleyfi í Bandaríkjunum fyrr í mánuðinum. Umboðsmaður hennar neitar því að beiðni um að söngkonan kæmi fram á MTV hátíðinni hafi verið afturkölluð. Þetta kemur fram á BBC.

Tónleikaferð Allen átti að hefjast í San Diego þann 6. september en að sögn talsmanns útgáfufélags hennar hefur það tekið lengri tíma en talið var að endurnýja starfsleyfið.

Allen var stöðvuð á alþjóðaflugvelli í Los Angeles, en þangað fór hún til að verða viðstödd tilnefningar til MTV tónlistarmyndbandaverðlaunanna fyrr í mánuðinum.

Allen þurfti að dvelja á flugvellinum í fimm klukkustundir þar sem hún var yfirheyrð vegna líkamsárásar á næturklúbbi í Lundúnum í mars sl. Hún hlaut viðvörun bresku lögreglunnar fyrir þann verknað.

• 2 blogg um fréttina

Bloggað um fréttina

• Ómar Ingi: Voðalega
• Jóhannes Ragnarsson: Er Lily Allen haldin hryðjuverkaáráttu eða perrafýsn?