Innlend dagskrárgerð efld

Vetrardagskrá sjónvarpsstöðvanna liggur nú að mestu fyrir og þar kennir að vanda ýmissa grasa. Fjöldi nýrra íslenskra þátta hefur göngu sína, bæði leikið efni, spjallþættir, raunveruleikaþættir, barnaefni og spurningaþættir.

Í Sjónvarpinu reyna landshlutar með sér í spurningaþætti sem og framhaldsskólanemar í Gettu betur. Auk þess velja landsmenn nýtt Evróvisjónlag úr lögum níu þekktra lagasmiða.

Stöð 2 tekur til sýninga tvo nýja leikna íslenska sjónvarpsþætti, annan með gamansömu ívafi, hinn er spennuþáttur. Einnig mun Bubbi Morthens ferðast um landið og leita að nýrri rokkstjörnu Íslands.

Sjá nánar í Morgunblaðinu í dag.