Tarantino skeytti skapi sínu á flugliðum

Íslandsvinurinn Quentin Tarantino missti stjórn á skapi sínu og lét bræðina bitna á flugliðum sem vildu meina honum um að sitja á gólfinu í flugvél á leið frá Manila til Los Angeles í síðustu viku.

Tarantino var í hjólastól er hann kom um borð - að sögn vegna bakverkja - og vildi ekki sitja í sæti sínu á fyrsta farrými.

Til orðahnippinga kom milli Tarantinos og flugliðanna sem vildu ekki leyfa leikstjóranum að sitja á gólfinu í vélinni eða í sæti einnar flugfreyjunnar, eins og hann fór fram á.

Þegar Tarantino fékk ekki sínu framgengt missti hann stjórn á skapi sínu og upphófst þá hávaðarifrildi. Var ein flugfreyjan farin að gráta þegar ónafngreindur stjórnmálamaður sem sat á almennu farrými kom og skakkaði leikinn.

Með Tarantino í för var leikkonan Tiffany Limos, og herma fregnir að í fluginu hafi hann játað henni ást sína og kallað hana konuna sína.

• 1 blogg um fréttina

Bloggað um fréttina

• Alti R: Slæm sæti flugvéla "strike again"