Bassaleikari Supergrass gekk út um glugga í svefni

Breska hljómsveitin Supergrass hefur þurft slá öllum áformum á frest eftir að bassaleikari sveitarinnar, Mick Quinn, hryggbrotnaði. Quinn varð fyrir því óláni að ganga í svefni og út um glugga á annarri hæð í húsi sem hann gisti í á suðurhluta Frakklands.

Quinn var fluttur í skyndi á sjúkrahús í Toulouse þar sem hann fór í aðgerð, en læknarnir gerðu að tveimur hryggjarliðum sem höfðu brotnað. Auk þess hælbrotnaði bassaleikarinn við fallið.

Búist er við að hann nái sér að fullu, en það er hinsvegar talið að það muni taka nokkra mánuði.

• 2 blogg um fréttina

Bloggað um fréttina

• Sigríður Sigurðardóttir: Neyðarlegt.
• Benjamín Plaggenborg: Fyrsta hæð?