Ólafur Elíasson sýnir jökulsvelgjamyndir í Bandaríkjunum

Bandaríska dagblaðið New York Times fjallar um Ólaf Elíasson í dag í tilefni af því að hann er að opna fyrstu stóru sýningu sína í Bandaríkjunum. Þar sýnir Ólafur ljósmyndir, sem hann tók af jökulsvelgjum á Vatnajökli í júlí undir yfirskriftinni: Gefðu þér tíma: Ólafur Elíasson.

Sýningin verður opnuð í Museum of Modern Art í San Francisco um næstu helgi, fer síðan til New York í apríl og loks til Dallas.

Fjallað er ýtarlega um Ólaf og listsköpun hans í New York Times í dag. Þar kemur m.a. fram að hann hafi fæðst í Kaupmannahöfn en foreldrar hans voru íslenskir. Þau hafi skilið þegar hann var átta ára og faðir hans flutt aftur til Íslands. Eftir það hafi Ólafur dvalið á Íslandi á sumrin og í fríum. „Allt sem ég varð að gera var í Danmörku. Allt sem ég vildi gera var á Íslandi," hefur blaðið eftir Ólafi.

Fjallað var um jöklasvelgjamyndir Ólafs Elíassonar í Lesbók Morgunblaðsins fyrir viku.

Umfjöllun New York Times um Ólaf Elíasson

• 2 blogg um fréttina

Bloggað um fréttina

• Hlynur Hallsson: Óhugnanlega flottir jökulsvelgir
• Bjarni Kjartansson: OG auðvitað á Patrol jeppa.