Kostnaðarsamur skilnaður hjá Thierry Henry

Breska fyrirsætan Claire Merry fékk í dag skilnað frá eiginmanni sínum, franska knattspyrnumanninum Thierry Henry, sem nú leikur með spænska knattspyrnufélaginu Barceona. Skilnaðurinn gengur í gildi eftir sex vikur og er gert ráð fyrir að Merry fái stóran hluta af eignum Henrys, sem metnar eru á jafnvirði 3,3 miljarða króna.

Breskir fjölmiðlar gera því skóna, að hugsanlega verði um að ræða hæstu skilnaðargreiðslur, sem um getur hjá knattspyrnumanni.

Þau Merry, sem er 27 ára, og Henry sem er þrítugur, hafa verið gift í fjögur ár og eiga saman tveggja ára dóttur. Þau kynntust þegar þau tóku þátt í auglýsingu fyrir bílaframleiðanda.

Samkvæmt málsskjölum krafðist Merry skilnaðar á grundvelli ósanngjarnrar hegðunar. Henry staðfestir að hann hafi fengið skilnaðarpappírana í júlí og einnig fengið yfirlýsingu um forræði yfir barninu sem hann fallist ekki á.

• 1 blogg um fréttina

Bloggað um fréttina

• Snorri Bergz: Þess vegna fór Henry til Barcelona